لە دیوانی بەرێوەبەرایەتی شارەوانیەکانی راپەرین ئەمرۆ ۱۱-۱-۲۰۱۸ بە ئامادەبوونی ئەندازیار ئاوارە علی بەرێوەبەری شارەوانیەکانی راپەرین و مافناس عباس ئەحمەد جێگری بەرێوەبەر بۆ کار و باری یاسای و کارگێری و بەشێک لە لێپسراو بەشەکانی دیوان و سەرجەم سەرۆک شارەوانیەکانی سنوری بەرێوەبەرایەتی کۆ بوونەوەی ئاسای سەرۆک شارەوانیەکان بەرێوە چوو .
له کۆ بوونەوەکەدا باس لە پرۆژە و چالاکیەکانی ساڵی ۲۰۱۷ کراو ئەو ئاستەنگانە خرایەنە روو کە تووشی پرۆژەکان بوون لە هەمان کاتدا پلان بۆ پرۆژەکانی ساڵی ۲۰۱۸ دانرا و چارەسەری ئاستەنگەکان خرایە روو .
لە ناوەرۆکی کۆبوونەوەکە باس لە ئامادەکاری لیستی مووچەی فەرمانبەرانی شارەوانیەکان کرا بە مووچەی تەواوو پاشەکەوت بۆ ئەوەی ئامادەبێت بۆ حکومەتی عێراق .
هەوڵدان بۆ نەهێشتنی رۆیتن و کار ئاسانی بۆ کاری هاوڵاتیان بەداواکاری شارەوانیەکان بە پێدانی دەسەڵات لە لایەن بەرێوەبەری شارەوانیەکانی راپەرین تەوەرێکی تری کۆبوونەوەکە بوو .
پشتیوانی و هەماهەنگی لەگەڵ بەرێوەبەرایەتی (نەخشەدانان و وەبەرهێنان )ی راپەرین باسێکی تری کۆ بوونەکە بوو کە پێویستە هەموو لایەک هاوکاربن بۆ سەرخستنی ئەم دوو بەرێوە بەرایەتیەی کە دەکرێنەوە .
لێپسرا و بەشەکانی شارەوانیەکان پێویستە لە ئاست خواست و داواکاری هاوڵاتیاندابن ئەگەر لەم ئاستە نەبن و لێهاتووییان نەبێت پێویستە گۆرانکاریان تێدا بکرێت .
پرس و ئاریشەی زیادەرۆی لە ناو بازار و دروست کردنی ئاستەنگ بۆ هاتوو چۆی هاوڵاتیان باسێکی پر بایەخی کۆ بوونەوەکە بوو کە پێویستە چارەسەری گونجا و بگیرێتە بەرو و رێگری بکرێت لە زیادەرۆی دووکاندار و پیشەوەرەکان .
فرۆشتنی زەویە بەنرخەکان و زیادکردنی داهات لە رێگەیەوە به کارهێنانی بۆ پرۆژەکان بریاری لەسەر دراو تەواووی ئەندامانی کۆبوونەوەکە پشتیوانیان بۆ ئەم پرسە گرینگە دەر بری .
ئەندازیار ئاوارە علی حسن پشتیوانی تەواووی خۆی بۆ داواکاری و پێشنیارەکانی سەرۆک شارەوانیەکان خستە روو بەڵێنی هەماهەنگی و بەدوواداچونی بۆ داواکەریەکانیان کرد .

بەرێوەبەری شارەوانیەکانی راپەرین ئەندازیار ئاوارە علی حسن لەسەر بودجەی بەرێوەبەرایەتی بری زیاتر لە چل ملیۆن دیناری تەرخانکرد بۆ سەوزکردنی جەزرەی وەسەتی دووسایدی ناو بازار و دووسایدی بەردەم ئامادەی رانیەی کچان پرۆژەکە پێک دێت لە ( دانانی سیستەمی ئاودێری ، رواندنی دار ، چیمەن ، گوڵ ) لە ئێستادا زۆر بەی کارەکانی تەواو بووە و سیمایەکی جوانی بە سەنتەری شاری رانیە بەخشیوە .هاوکات ئەم پرۆژەیە بە سەرپەرشتی ئەندازیار پەرژین جەلال و ستافێکی بەشی باخچەکانی شارەوانی رانیەیە .

بەشی یەکەم 

به‌رێوه‌به‌ری شاره‌وانیه‌كانی راپه‌رین ئه‌ندازیار ئاواره‌ عه‌لی حسن له‌گه‌ڵ جێگری هونه‌ری رێباز پیرۆت له‌ كۆنگره‌یه‌كی رۆژنامه‌نووسی له‌ دیوانی به‌رێوه‌به‌رایه‌تی چه‌ند زانیاریه‌كی گرینگ و پرۆژه‌ و چالاكیه‌كانی ساڵی 2017 راگه‌یاندن و وتیان :

به‌رێوه‌به‌رایه‌تی شاره‌وانیه‌كانی راپه‌رین وه‌ك ده‌سكه‌وتێكی گرینگ بۆ سنوری ئیداره‌ی راپه‌رین له‌ به‌رواری (14-8-2016) فه‌رمانی وه‌زاره‌تی شاره‌وانی و گه‌شت و گوزاری بۆ ده‌رچوو به‌ مه‌به‌ستی كردنه‌وه‌ی ، له‌ (23-11-2017) به‌ فه‌رمانیكی تری وه‌زاری 15 شاره‌وانی له‌ به‌رێوه‌به‌رایه‌تی گشتی شاره‌وانیه‌كانی سلێمانی پچراندران بۆ سه‌ر به‌رێوه‌به‌رایه‌تی شاره‌وانیه‌كانی راپه‌رین ئه‌مه‌ش هه‌نگاوێكی گرینگ بوو بۆ خرمه‌تكردنی هاوڵاتیانی سنوری راپه‌رین بووه‌ هۆی كارئاسانی بۆیان پێشكه‌ش و كردنی پرۆژه‌ی زیاتر .
دوای هه‌وڵێكی زۆر له‌به‌رواری (16-4-2017) به‌ فه‌رمانێكی وه‌زاری یه‌كه‌ی ژمێریاری كرایه‌وه‌ مانگانه‌ بری (66150000)شه‌سه‌ت و شه‌ش ملیۆن و سه‌د و په‌نجا هه‌زار دینار بوودجه‌ی مانگێكمانه‌ له‌ مانگی 6-2017 ده‌ست به‌ خه‌رجكردنی كراوه‌ .
ئه‌ندازیار ئاواره‌ عه‌لی وتیشی :یه‌كێك له‌ هه‌وڵه‌ گرینگه‌كانی به‌رێوه‌به‌رایه‌تی ده‌سه‌ت پێكردنه‌وه‌ی پرۆژه‌ وه‌ستاوه‌كانی ئه‌م ده‌ڤه‌ره‌بوو به‌ هه‌وڵی به‌رێز جێگری سه‌رۆكی حكومه‌ت توانرا ( 17 ) پرۆژه‌ی گرینگ ده‌ست به‌كارببنه‌وه‌ .
هاوكات له‌ ماوه‌ی شه‌ش مانگی رابردوو له‌سه‌ر بودجه‌ی به‌رێوه‌به‌رایه‌تی توانرا ( 73 ) پرۆژه‌ی جۆرا و جۆری بچووك له‌ سه‌رجه‌م شاره‌وانیه‌كانی سنوری به‌رێوه‌به‌رایه‌تی جێ به‌ جێ بكرێت .
به‌رێوه‌به‌ری شاره‌وانیه‌كانی راپه‌رین راشی گه‌یاندن: له‌ بواری ژینگه‌ی توانرا پرۆژه‌ی ( كۆكردنه‌وه‌ی خۆڵ و خاشاك و ریسایكلین ) بۆماوه‌ی سێ ساڵی ئاینده‌ رازامه‌ندی وه‌ربگیرێت له‌ ئێستادا له‌ پرۆسه‌ی ته‌نده‌رین و راگه‌یاند دایه‌ ، هاوكات له‌ ماوه‌ی شه‌ش مانگی رابردوو دوو هه‌ڵمه‌تی نه‌مام رواندنی گه‌وره‌ ئه‌نجمدراوه‌ ،جگه‌ له‌وه‌ش هه‌شت هه‌زار نه‌مام به‌سه‌ر شاره‌وانیه‌كان دابه‌شكراوه‌ و چوار جه‌زره‌ی وه‌سه‌تی سه‌وزكراون له‌گه‌ڵیشدا دوو پارك سه‌وزكراوه‌ و پاركێك درووست كرا .
رۆژانه‌ بری (327296) تۆن خۆڵ و خاشاك له‌ سنوری ئیداری راپه‌رین كۆكراوه‌ته‌ و ژێرخاك كراوه‌ .
له‌ بورای توانای مرۆیی چه‌ندین خولی جۆرا و جۆر بۆ سه‌رۆك شاره‌وانیه‌كان و فه‌رمانبه‌رانی شاره‌وانیه‌كان و دیوانی به‌رێوه‌به‌رایه‌تی كراونه‌وه‌.
به‌رێوه‌به‌رایه‌تی شاره‌وانیه‌كانی راپه‌رین به‌ سه‌رجه‌م شاره‌وانیه‌كانی سنوری (749) باخه‌وان و فه‌رمانبه‌ری گرێبه‌ستی هه‌یه‌ له‌ ساڵی 2017 به‌ فه‌رمانێكی وه‌زاری ویسترا ژماره‌یه‌ك له‌ فه‌رمانبه‌رانی كه‌م بكرێنه‌وه‌ به‌ڵام دوای هه‌وڵێكی زۆر توانرا بۆ سه‌رجه‌میان نوێ بكرێته‌وه‌ لێره‌وه‌ش ئه‌م مووژده‌یه‌ راده‌گه‌یه‌نین بۆساڵی 2018 بۆیان نوێ ده‌كه‌ینه‌وه‌ .
له‌ ماوه‌ی شه‌ش مانگی رابردوودا بۆ سێ سێكته‌ری جیاواز ئه‌م بره‌ پارانه‌ سه‌رف بكرێت:
باخچه‌كان و سه‌وزایی :162،251،734دینار
رێگا و بان : 114،747،500 دینار
چاكردنه‌وه‌ی ئامێره‌كان و دابینكردنی سووته‌مه‌نی : 58،183،500 دینار
ئه‌م بره‌ پارانه‌ سه‌رفكراوه‌ .
هاوكات به‌رێوه‌به‌رایه‌تی شاره‌وانیه‌كانی راپه‌رین و سه‌رجه‌م شاره‌وانیه‌كان له‌ماوه‌ی شه‌ش مانگی رابردوو بری (558،184،000) پێنسه‌د و په‌نجا و هه‌شت ملیۆن و سه‌د و هه‌شتا و چوار هه‌زرای دینار بۆ سێكته‌ره‌ جیاوازه‌كان له‌ سنوری ئیداره‌ی راپه‌ریرن خه‌رجكردووه‌ .

لە رۆژی دیرۆکی نەتەوەکەمان کە بۆ یەکەمین جار ئاڵای کوردستان لە کۆماری مهاباد هەڵکرا لە ۱۷-۱۲ ئەمرۆ ئەم یادە مەزنە لە بەرێوەبەرایەتی شارەوانیەکانی راپەرین کرایەوە .
بەمەستی بەرز راگرتنی پیرۆزی نەتەوەکەمان بەشی راگەیاندن و پەیوەندیەکان مەراسیمێکی بۆ ئەم یادە پرشکۆیە رێکخست و بەرێوەبەری شارەوانیەکانی راپەرین ئەندازیار ئاوارە عەلی حسن وتی : ئاڵای کوردستان هێمای پیرۆزی نەتەوەکەمانە بۆ ئەم مەبەسته پیرۆزبایتان لێ دەکەم ، هیوا خوازم نەتەوەکەمان هەمیشە سەربڵند بێت و ئاڵا رەنگینەکەمان شەکاوەبێت .
ئەندازیار ئاوارەی علی وتیشی : ئاڵا موڵکی هیچ حیز و لایەنێک نیە پێویستە لەسەر هەموومان وەک چاومان بیپارێزین و لە دڵماندا بێت ، هیوا خوازیشم جارێکی تری لە ناوچە دابرێنراوەکان ئاڵای کوردستان لەسەر بشەکێتەوە و سەبەب کارانی دابەزینی ئاڵای کوردستان لەو ناوچانە روو رەشی لای خەڵک و خوابن کە بوونە هۆی ئەوەی بەشێک لەم نیشتیمانە ئاڵای کوردستانی لەسەر داگیرێ .